Kawih Kaulinan
Kawih kaulinan teh sakapeung sok disebut kakawihan barudak atawa kawih mueangkalih, nya eta sebangsa kawih anu biasa dikarawihkeun ku barudak bari arulin, boh dilakukeun di jero imah, boh di luar upamana di buruan dimana keur caang bulan, atawa ditempat lianna tempat maranehna keur arulin. Ari dipkena aya nu notok pikeun hiji kaulinan atawa ngan saukur sambian dihaleuangkeunana bari arulin.
Kiwari barudak urang Sunda-pangpangna nu aya dina kota mah–sigana geus langka arulin bari kakawihan teh. Supaya ulah laleungitan jeung supaya barudak waranoh, di dieu rek diberendelkeun bae. Rakitan kakawihan barudak mangrupa lalaguan balarea anu anonym, di unggal daerah the biasana tara sarua, sok aya bae bedana sautak-saeutik.
Cing cangkeling
Kawih paranti milang samemeh barudak ulin ucing-ucingan. Samemeh prug sok dikawihan hela ku saurang. Rakitanana kieu:
Cing cangkeling
Manuk cingkleng cindeten
Plos ka olong
Bapa Satar buleneng
Cing Ciripit
Kawih paranti milang samemeh ucing-ucingan. Rakitananakieu:
Cing ciripit
Tulang bajing kacapit
Kacapit ku bulu pare
Bulu pare seuseukeutna
Salian rakitan anu diluhur, cing ciripit the aya nu rakitanana kieu:
Cing cirripit
Gulali lobang
Saha nu kacapit
Tunggu lawang
Cok Cang (Cokcangan)
Kawih paranti milang samemeh ulin ucing-ucingan. Rakitanana kieu:
Cok cang si pendek si kacang
Si niti anggolati
Si togog montok
Rakitan kawih sejena:
Cok cang si pendek si kacang
Si niti anggolati
Dog clo
Bo lo nyon
Atawa: Cok cang si pendek si kacang
Si niti anggolati
Lameta dening si togog
Montok!
Hompilah
Memeh prung maen ucing-ucingan, jeung sajabana, barudak ngariung bari namprakeun jeung nangkubkeun dampal leuleungeun ngawih babrengan, anu unina kieu:
Hompilah hompimpah
Alaihum gambreng